26 ივლისიდან პარიზი მსოფლიოს ცენტრი ხდება და სპორტის უმთავრეს მოვლენას - ზაფხულის ოლიმპიადას მასპინძლობს. წლევანდელ ოლიმპიადაზე საქართველოს სახელით 28 სპორტსმენი იასპარეზებს.

ჩვენი ოლიმპიელების მხარდასაჭერად და გასამხნევებლად ლიდერსპორტმა ახალი კამპანია - აბა შენ იცი! წამოიწყო, რომლის მთავარი მიზანია გულშემატკივრების ხმა და კეთილი სურვილები ოლიმპიელებს პარიზში გაატანოს.

სპეციალურად კამპანიისთვის შეიქმნა ვებსაიტი abashenici.com, სადაც ყველა მსურველს შეუძლია უფასოდ ატვირთოს საკუთარი სათქმელი ფოტო, ვიდეო და ტექსტის სახით და საკუთარი გამხნევება პარიზი 2024-ზე გაატანოს სპორტსმენებს.

ატვირთულ გამხნევებებს გაეცნობიან როგორც საიტის სხვა მომხმარებლები, ასევე ოლიმპიადაზე გამომსვლელი სპორტსმენები და ქართველი გულშემატკივრების ხმას პარიზში წაიღებენ, სადაც ოლიმპიური მედლების მოსაპოვებლად იბრძოლებენ.

ჩვენ კი ისღა დაგვრჩენია კიდევ ერთხელ ვუსურვოთ წარმატება ქართველ სპორტსმენებს. აბა შენ იცი საქართველო!