პრეზიდენტის ადმინისტრაციის ცნობით, პრეზიდენტმა სალომე ზურაბიშვილმა პარლამენტის რიგგარეშე სესია მოიწვია.

პრეზიდენტი მოუწოდებს პარლამენტს, განიხილოს და კენჭი უყაროს 24 მაისს პრეზიდენტის მიერ პარლამენტისათვის წარდგენილ ეროვნული ბანკის საბჭოს წევრის კანდიდატურას, რათა "მეტად აღარ შეფერხდეს და გაჭიანურდეს ეროვნული ბანკის საბჭოს დაკომპლექტების პროცესი".

პრეზიდენტს რიგგარეშე სესიის მოწვევასთან დაკავშირებით, გუშინ, 15 ივლისს, პარლამენტის თავმჯდომარემ, შალვა პაპუაშვილმა მიმართა.

  • 18 ივლისს, ხუთშაბათს, იურიდიულ საკითხთა კომიტეტი გენერალური პროკურორობის კანდიდატს მოუსმენს და იმავე დღეს, რიგგარეშე სესიის სხდომაზე კენჭს უყრიან.

ამ თემაზე: პარლამენტს, გენერალური პროკურორობის კანდიდატად, გიორგი გაბიტაშვილი წარედგინება

  • 19 ივლისს, პარასკევს, პარლამენტი ამნისტიის შესახებ კანონს განიხილავს და კენჭს უყრის.

გაიგე მეტი: ოცნებამ ამნისტიის შესახებ კანონპროექტი დააინიციირა — ვის შეეხება

ასევე, ნახეთ: "ოცნებისგან მოვითხოვთ, ამნისტიის კანონი არ შეახოს ზონდერ ჯგუფებს" — გახარიას პარტია