პარტია საქართველოსთვის მმართველი პარტიისგან მოითხოვს, რომ ამნისტიის კანონი არ შეახოს "ზონდერ ჯგუფებს", რომლებიც რუსული კანონის საპროტესტო აქციის მონაწილეებს უსწორდებოდნენ.

"ამნისტიის შესახებ კანონმა დაადასტურა ჩვენს ხელთ არსებული ინფორმაცია, რომ ოცნება ზონდერ ჯგუფებს წინასწარ, ჯერ კიდევ დანაშაულის ჩადენამდე გაურიგდა და ევროპული მომავლის დასაცავი აქციების მონაწილეების სასტიკად ცემის სანაცვლოდ, ამნისტიას დაჰპირდა", — განაცხადა პარტიის წევრმა, ნათია მეზვრიშვილმა დღეს, 15 ივლისს, ბრიფინგზე.

მეზვრიშვილი აცხადებს, რომ გარიგების თანახმად, "ზონდერ ჯგუფებს" მაქსიმალურად სასტიკად უნდა ემოქმედათ იმ მუხლების ფარგლებში, რომლებსაც მოგვიანებით ამნისტია შეეხებოდა:

"სახელმწიფო უწყებებს ხელი უნდა დაეფარებინათ ხელისუფლებისთვის, არ დაეშვათ გამოძიების დაწყება ისეთი მუხლებით, რაც ირიბად მაინც მიანიშნებდა ხელისუფლების ბრალეულობაზე და გამოძიება მხოლოდ უკიდურეს შემთხვევაში, ფორმალურად იმ მუხლებით დაეწყოთ, რომლებსაც მოგვიანებით ამნისტია შეეხებოდა".

28 ივნისს, პრემიერ-მინისტრმა, ირაკლი კობახიძემ განაცხადა, რომ მიიღებენ ამნისტიის კანონს, რომლითაც, სასურველია, პატიმართა რაოდენობის მინიმუმ 1/3-ით შემცირება.

გაიგე მეტი: ოცნებამ ამნისტიის შესახებ კანონპროექტი დააინიციირა — ვის შეეხება