აშშ-ის სასამართლომ სომხეთის ყოფილ ფინანსთა მინისტრს ლოს-ანჯელესში მდებარე ვილა ჩამოართვა
![](http://ross.on.ge/2024/07/10/Gagik-Khachartyans-family-mansion-1024x660_668e5d133e426.jpg)
ფოტო: Hetq
აშშ-ის სასამართლომ მოახდინა კალიფორნიაში მდებარე ვილის კონფისკაცია, რომელიც სომხეთის ყოფილ ფინანსთა მინისტრის ოჯახს ეკუთვნის — სასამართლოს დადგენილებით, თანხა, რომლითაც სახლი შეიძინეს, კრიმინალური გზით იყო მოპოვებული.
ლოს-ანჯელესში მდებარე ვილა ფინანსთა ყოფილი მინისტრის, გაგიკ ხაჩატრიანის ვაჟებს, გურგე და არტიომ ხაჩატრიანებს ეკუთვნით.
ორშაბათს სომხეთის გენერალურმა პროკურატურამ განაცხადა, რომ სომხეთსა და აშშ-ის შორის მოლაპარაკებები მიმდინარეობს, სახლის გაყიდვიდან მიღებული შემოსავლის დიდი წილის სომხეთისთვის დაბრუნებაზე.
ივნისის შუა რიცხვებში, გურგე და არტიომ ხაჩატრიანებმა მიაღწიეს შეთანხმებას აშშ-ის იუსტიციის დეპარტამენტთან ქონების ჩამორთმევასთან დაკავშირებით, მისი გაყიდვიდან მიღებული წმინდა შემოსავლის 15%-ის შენარჩუნების სანაცვლოდ.
"უწყებები, რომლებმაც საქმე აღძრეს, აპირებენ გასცენ რეკომენდაცია, ჩამორთმეული ქონების ნაწილი, ან მთლიანი თანხა სომხეთში გადაირიცხოს", — ნათქვამია აშშ-ს იუსტიციის დეპარტამენტის განცხადებაში.
სომხეთის გენერალური პროკურატურა შედეგს მიესალმება და აცხადებს, რომ ეს მათ და აშშ-ს ხელისუფლებას შორის "ეფექტიანი თანამშრომლობის" შედეგად მოხდა. საქმე აშშ-ში 2022 წლის მაისში გაიხსნა.
აშშ-ის იუსტიციის დეპარტამენტის მიხედვით, სახლი არის "30 000 კვადრატული ფუტის მეგა-სასახლე" ლოს-ანჯელესში, ჰოლმბი ჰილზის უბანში. მათი თქმით, ის 2011 წელს შეიძინეს, 20 მილიონ დოლარზე მეტი ოდენობის ქრთამის გამოყენებით, რომელიც სომეხმა ბიზნესმენმა გადაუხადა გაგიკ ხაჩატრიანის ოჯახს, მისი ბიზნესის მიმართ ხელსაყრელი საგადასახადო პირობების შექმნის სანაცვლოდ.
სახლი 2022 წელს, სასამართლო საქმის დაწყებამდე ცოტა ხნით ადრე გაიტანეს გასაყიდად, 63,5 მილიონ დოლარად, თუმცა რამდენიმე ფასდაკლების შემდეგაც ვერ გაიყიდა.
გავლენიანი ყოფილი მაღალჩინოსანი გაგიკ ხაჩატრიანი 2008-2014 წლებში სახელმწიფო შემოსავლების კომიტეტის თავმჯდომარე იყო, შემდეგ 2016 წლამდე — ფინანსთა მინისტრი.
ხაჩატრიანისა და 25 სხვა პირის მიმართ, მათ შორის, მისი ორ ვაჟის წინააღმდეგ, კორუფციულ საქმეზე გამოძიება კვლავ მიმდინარეობს. შედეგად, სომხეთის ანტიკორუფციულმა სასამართლომ, შესაძლოა, მოახდინოს 210 ქონების, 13 მანქანის, 29 იურიდიული პირის აქციის და 33 მილიარდ დრამზე მეტის (77 მილიონი აშშ დოლარი) კონფისკაცია.
გურგენ და არტიომ ხაჩატრიანების წინააღმდეგ სისხლისსამართლებრივი დევნა მიმდინარეობს ედებათ ეროვნული უსაფრთხოების სამსახურის მიერაც, მათ შორის 100 მილიონ დოლარზე მეტი ფულის გათეთრების ბრალდებით.
გაგიკ ხაჩატრიანს სამსახურებრივი უფლებამოსილების ბოროტად გამოყენებაში ედება ბრალი. ერევნის საქალაქო სასამართლო ამჟამად განიხილავს მის წინააღმდეგ საქმეებს განსაკუთრებით მსხვილი გაფლანგვის, ფულის გათეთრების თანამონაწილეობისა და განსაკუთრებით დიდი ოდენობის ქრთამის აღების ბრალდებით.
სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები