ჯასტინ ბიბერმა ინდოელი მილიარდერის, მუკეშ ამბანის ვაჟის, ანანტ ამბანის წინასაქორწილო წვეულებაზე იმღერა. დადასტურებული ინფორმაციით, ბიბერს პერფორმანსში $10 მილიონი გადაუხადეს.

ფოტო: Justin Bieber/ Instagram

ანანტ ამბანისა და მისი საცოლის, რადიკა მერჩანტის წვეულებაზე 30 წლის პოპვარსკვლავმა მრავალი ჰიტი შეასრულა, მათ შორის Baby, Love Yourself და Peaches.

ბიბერმა, რომლის ქონება $300 მილიონადაა შეფასებული, ინსტაგრამზე წვეულებიდან ფოტოები და ვიდეოები გააზიარა, სადაც დანიშნულ წყვილთან და მათ მეგობრებთან ერთად პოზირებს.

ანანტ ამბანისა და რადიკა მერჩანტის სელებრითებით დატვირთული, გიგანტური წინასაქორწილო აღნიშვნები ჯერ კიდევ მარტში დაიწყო, როცა წყვილისთვის ფეხმძიმე რიანამ შთამბეჭდავი შოუ დადგა.

ფოტო: Getty Images

ამბანისა და მერჩანტის ქორწილი 12 ივლისსაა დაგეგმილი. აქამდე ჩატარებული წვეულებებისა და კონცერტების მიხედვით თუ ვიმსჯელებთ, წყვილს ისტორიაში ერთ-ერთი პომპეზური, სელებრითებით სავსე და შთამბეჭდავი ქორწილი ექნება.