იურიდიულ საკითხთა კომიტეტის თავჯდომარემ, ვახტანგ ხმალაძე განმარტა, რომ რუსთავი 2-ის საქმესთან დაკავშირებით დღეს გადაწყვეტილება დამოუკიდებელმა სასამართლომ მიიღო. ჟურნალისტების შეკითხვას, იყო თუ არა ბიძინა ივანიშვილი აღნიშნულ პროცესში ჩართული, მან ასე უპასუხა:

"არანაირი კავშირი არ აქვს [ბიძინა ივანიშვილს]. ჩემი აზრით, პირიქით არის, ბიძინა ივანიშვილი და მეც, მაგალითად, მოსურნე ვარ იმისა, რომ მიუხედავად იმისა, რომ მე არ მომწონს ის სარედაქციო პოლიტიკა, რომელსაც რუსთავი 2 ახორციელებს, არც ის სარედაქციო პოლიტიკა მომწონს, ქიბარ ხალვაშის დროს რომ ატარებდა, მაგრამ საჭიროა, ეს ტელევიზია შენარჩუნდეს და იყოს ასეთი პოლიტიკა, რადგან თავისუფლებაა ჩვენთან და სიტყვის თავისუფლება არაფრით არ უნდა შეიბღალოს".

თბილისის სააპელაციო სასამართლომ დღეს, 10 ივნისს, ძალაში დატოვა საქალაქო სასამართლოს მოსამართლის, თამაზ ურთმელიძის გადაწყვეტილება რუსთავი 2-ის წილების ქიბარ ხალვაშისთვის მიკუთვნებასთან დაკავშირებით.