ჟენევაში დაფუძნებული უფლებადამცველი ჯგუფი, COP29-ის წინ დაკავებული აზერბაიჯანელი პროდემოკრატიული აქტივისტის, ანარ მამადლის გათავისუფლებას მოითხოვს.

აზერბაიჯანში რეპრესიების დასასრულებლად თავისუფალი ანარ მამადლის კამპანია დაიწყო პროგრესისა და ცვლილების სამოქმედო ლაბორატორიის მიერ ანონიმური აზერბაიჯანელი აქტივისტების სახელით.

კამპანია "თავისუფლება ანარ მამადლის" დაიწყო "პროგრესისა და ცვლილებების სამოქმედო ლაბორატორიამ", ანონიმური აზერბაიჯანელი აქტივისტების სახელით.

"ეს არის აზერბაიჯანელი უფლებადამცველებისა და არასამთავრობო ორგანიზაციების საერთო პროექტი. კამპანიის სამეთვალყურეო კომიტეტის წევრებს სურთ, რომ მათი ვინაობა არ გახმაურდეს, იმის მიუხედავად, დღეს ისინი ციხეში იმყოფებიან, თუ აზერბაიჯანში აგრძელებენ ცხოვრებას”, — ნათქვამია კამპანიის პრესრელიზში.

2023 წლის ნოემბრიდან აზერბაიჯანმა აწარმოა რეპრესიები რამდენიმე დამოუკიდებელ მედიასაშუალებაზე, დააკავეს ჟურნალისტები და პოლიტიკური აქტივისტები. მამადლი, პროდემოკრატიული აქტივისტი და არჩევნების დამკვირვებელი, დააკავეს 2024 წლის აპრილში, კონტრაბანდის ბრალდებით, აბზასმედიაზე განხორციელებული რეპრესიების ფარგლებში.

კითხვაზე, თუ რატომ იყო კამპანია ფოკუსირებული მამადლის გათავისუფლებაზე, ფლორიან ირმინგერმა, პროგრესისა და ცვლილების სამოქმედო ლაბორატორიის თავმჯდომარემ, განუცხადა OC Media-ს, რომ მამადლი არის "გამაერთიანებელი ფიგურა, ეროვნულ დონეზე სამოქალაქო საზოგადოებისთვის“.

"ჩვენ გვაქვს ორი მიზანი. ერთ-ერთია აზერბაიჯანის სიტუაციის საერთაშორისო დღის წესრიგში დაბრუნება. მეორადი მიზანია ცნობიერების ამაღლება ზოგი ინდივიდუალური შემთხვევის შესახებ”, — თქვა მან.

ირმინგერმა თქვა, რომ კამპანია იყო ორგანიზებული 7-წევრიანი მმართველი კომიტეტის მიერ, ისინი "დაკავშირებულნი არიან ადამიანის უფლებათა დაცვის სხვადასხვა ორგანიზაციასთან".

მისი თქმით, კამპანია მიზნად ისახავს ცნობიერების ამაღლებას "ჟურნალისტების, უფლებადამცველების, პოლიტიკური აქტივისტებისა და ახალგაზრდება აქტივისტების შესახებ, რომლებიც დაკავებულები არიან".

ირმინგერმა ხაზი გაუსვა, რომ მამადლი დააკავეს 1 თვის შემდეგ, რაც არასამთავრობოების ჯგუფმა აზერბაიჯანში კლიმატის სამართლიანობის ინიციატივა დააარსა.

აზერბაიჯანს მუდმივად აკრიტიკებენ მედიისა და სამოქალაქო საზოგადოების რეპრესიის გამო. ირმინგერი ამტკიცებს, რომ მთავრობის მიერ მამადლის დაპატიმრებამ და სამოქალაქო საზოგადოების დარბევამ შეარყია ქვეყნის, როგორც COP29 მასპინძლის სანდოობა.

"თუ თქვენ აპატიმრებთ ანარ მამადლის იმის გამო, რომ სურს მუშაობა კლიმატის სამართლიანობაზე და მას სჯერა, რომ ეს არის აზერბაიჯანის წინსვლის საფუძველი, მაშინ უნდა გითხრათ, თქვენ უნდა გაათავისუფლოთ ანარ მამადლი, მაგრამ თქვენ უნდა გაათავისუფლოთ სხვა პოლიტიკური პატიმრებიც და მერე ისევ შეგვიძლია ვისაუბროთ[არსებით საკითხებზე]".

სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.