სტუდენტების წახალისება, შრომის დაფასება და მათთვის მოტივაციის გაზრდა სულხან-საბა ორბელიანის უნივერსიტეტის ერთ-ერთი მნიშვნელოვანი მიმართულებაა. სწორედ ამ მიზნით, უნივერსიტეტმა 15 პირველკურსელს, რომლებმაც გასულ წელს პირველი პრიორიტეტით საბაუნი აირჩიეს, მისცა უნიკალური შესაძლებლობა — ემოგზაურათ პოლონეთში სასწავლო ვიზიტის ფარგლებში.

“ამ მოგზაურობის შემდეგ უფრო მიზანდასახული გავხდი“ — ამბობს საბაუნის ბიზნესისა და ტექნოლოგიების ფაკულეტეტის სტუდენტი, თამუნა თექთუმანიძე, — მივხვდი, რომ ყველაფერს შევძლებ, რასაც მოვინდომებ. პირველივე სემესტრში სტიპენდინტიც გავხდი და მინდა, რომ გაცვლით პროგრამაშიც მივიღო მონაწილეობა.“

ამ განწყობას იზიარებს ფსიქოლოგიის პროგრამის სტუდენტი, რუსუდან დურგლიშვილი. მისი თქმით, ევროკავშირის ქვეყანაში ვიზიტი, პოლონეთის ისტორიისა და კულტურის გაზიარება განსაკუთრებით მნიშვნელოვანია ამავე გზაზე მდგომი ერის სტუდენტებისთვის.

მსგავსი ვიზიტები ხელს უწყობს საერთაშორისო თანამშრომლობის განვითარებასა და სტუდენტების მომზადებას საერთაშორისო გარემოში მუშაობისთვის. პირველკურსელებისთვის ეს იყო შესაძლებლობა კარიერული წინსვლისა და პროფესიული განვითარების თვალსაზრისით.

პირველკურსელების მოგზაურობა პოლონეთში მოიცავდა ისეთ მნიშვნელოვან ინსტიტუციებში ვიზიტს, როგორებიცაა: პოლონეთის საკონსტიტუციო ტრიბუნალი, სამართლისა და ადმინსტირირების ევროპული უნივერსიტეტი, პოლონეთის უმაღლესი სასამართლო და ა.შ.

ფოტო: საბაუნი

ფოტო: საბაუნი

“ძალიან რთულია გამოვარჩიო ერთი კონკრეტული მომენტი ამ ვიზიტიდან, რადგან ყოველი დღე კარგად დაგეგმილი და უაღრესად საინტერესო იყო, მაგრამ პირადად მე გამოვყოფ ვიზიტს ძველ ვარშავაში — ქალაქი, რომელიც მეორე მსოფლიო ომისას თითქმის განადგურდა, დღეს არაფრით ჩამოუვარდება ევროპის სხვა ულამაზეს ქალაქებს, პირადი გიდის თანხლებით დეტალურად გავეცანით ვარშავის ისტორიას და მოვინახულეთ ულამაზესი ადგილები, ვეწვიეთ მუზეუმებს.“ — გვიზიარებს რუსუდან დურგლიშვილი.

სულხან-საბა ორბელიანის უნივერსიტეტი, რომელიც 23-წლიან ისტორიას ითვლის, საერთაშორისო გამოცდილებით, პრაქტიკულ ცოდნაზე ორიენტირებული, უცხოელი და ქართველი პროფესორების მიერ შექმნილი სასწავლო კურსებით გამოირჩევა.

“გულწრფელად ვურჩევ ყველა აბიტურიენტს სულხან-საბა ორბელიანის უნივერსიტეტში ჩაბარებას. ჩვენი უნივერსიტეტი, რომელიც მაქსიმალურად კონცენტრირებულია თითოეულ სტუდენტზე უამრავ შესაძლებლობას იძლევა, განსაკუთრებით იმ ბავშვებისთვის, რომლებსაც სურთ გაცვლითი პროგრამების რეალური შესაძლებლობა ევროპასა და მის საზღვრებს გარეთ.“— გვიყვება რუსუდანი.