მოკლედ: მთავარი არხის ინფორმაციით, საქართველოს პრეზიდენტი სალომე ზურაბიშვილი, თავდაცვის ყოფილი მინისტრის, ჯუანშერ ბურჭულაძის ნატოში ელჩად დანიშვნას, ხელს არ აწერს.

  • ინფორმაცია ბურჭულაძემ მთავარ არხს თავად დაუდასტურა, თუმცა, მიზეზი არ დაუსახელებია.

დეტალები: ბურჭულაძის თქმით, სალომე ზურაბიშვილი არც საგარეო საქმეთა სამინისტროს მიერ წარდგენილი სხვა ელჩების დანიშვნას აწერს ხელს, რის გამოც უწყებამ პროცესი არჩევნებამდე შეაჩერა.

  • "პრეზიდენტი არ აწერს ხელს წარდგენილ ელჩებს საგარეოს მიერ. თუმცა ის გეგმები არ შეცვლილა, მე მზად ვარ, რომ დიპლომატიაში კიდევ ერთხელ ვემსახურო ჩვენს ქვეყანას", — უთხრა ბურჭულაძემ მთავარ არხს.
  • მისივე თქმით, მისი ელჩად დანიშვნა სხვა ქვეყანაშიც განიხილება, თუმცა სად, არ დაუკონკრეტებია.
  • "ჩვენ განვიხილავთ სხვა ქვეყანაში ელჩობასაც, რა თქმა უნდა, ისევ პარტნიორ ქვეყნებში და მე ჩემს რესურსს გამოვიყენებ მაქსიმალურად, რომ ურთიერთობები კიდევ უფრო გავაღრმაო ჩვენს პარტნიორებთან".

საკითხზე პრეზიდენტის ადმინისტრაციაში კომენტარი, ჯერჯერობით, არ გაუკეთებიათ.

ბოლო ხაზი: ჯუანშერ ბურჭულაძემ თავდაცვის მინისტრის თანამდებობა ირაკლი კობახიძის გაპრემიერების შემდეგ დატოვა და განაცხადა, რომ ნატო-ში საქართველოს ელჩის თანამდებობაზე დანიშვნის შეთავაზება მიიღო.

გაიგე მეტი: მივიღე შემოთავაზება ნატოში საქართველოს ელჩობაზე, სავარაუდოდ, დავთანხმდები — ბურჭულაძე