"თქვენი მოვალეობაა წესრიგის დამყარება, მოვითხოვთ, მოძალადეების გამოვლენას და დასჯას" — ეროვნული პლატფორმა კობახიძეს მიმართავს
![](http://joey.on.ge/2024/05/16/11-04.jpg)
ფოტო: საქართველოს მთავრობა
მოკლედ: საქართველოს ეროვნული პლატფორმა პრემიერ-მინისტრ ირაკლი კობახიძეს მოუწოდებს, აღკვეთოს ბოლო დროს გახშირებული ძალადობის ფაქტები, გამოავლინოს მოძალადეები და სამართლიანად დასაჯოს ისინი.
დეტალები: პლატფორმა წერს, რომ აქტიურ მოქალაქეებზე თავდასხმები ხდება როგორც საზოგადოებრივი თავშეყრის ადგილებში, ასევე მათ საცხოვრებლებთან: "მსგავსი შემთხვევები თითქმის ყოველდღიურია და სისტემურ ხასიათს ატარებს".
- პლატფორმის თქმით, ძალადობას ხელს უწყობს პოლიტიკოსების სრულიად მიუღებელი განცხადებები, სადაც, მათი შეფასებით, დანაშაულის გამართლება ხდება, ხოლო ზოგიერთ შემთხვევაში აშკარად წახალისებულიცაა.
- "მისი [ძალადობის] გამართლება ანტისახელმწიფოებრივი და ანტისაზოგადოებრივი ქმედებაა, განსაკუთრებით პოლიტიკოსების მხრიდან", — წერს პლატფორმა.
საქართველოს ეროვნული პლატფორმის თქმით, ირაკლი კობახიძის, როგორც აღმასრულებელი ხელისუფლების ხელმძღვანელის მოვალეობაა, ქვეყანაში წესრიგის დამყარება და ძალადობის აღკვეთა:
- "მოვითხოვთ, დაუყოვნებლად მოხდეს ყველა მოძალადის გამოვლენა და სამართლიანი დასჯა. ასევე, გამოვლინდნენ და პასუხისგებაში იქნენ მიცემული ამ ქმედებების ორგანიზატორები, რომელ ჯგუფს და უწყებასაც არ უნდა წარმოადგენდნენ".
- პლატფორმა იმედოვნებს, რომ კობახიძე თავის სამსახურებრივ მოვალეობას შეასრულებს, განსაკუთრებით იმის გათვალისწინებით, რომ უმეტეს შემთხვევებში, ძალადობის ფაქტების ამსახველი კადრები არსებობს.
კონტექსტი: 11 ივნისს, აქტივისტს ზუკა ბერძენიშვილს ფიზიკურად გაუსწორდნენ. მისი თქმით, მას სამი ადამიანი დაესხა თავს, რომლებიც ზურგიდან მიეპარნენ და შემდეგ გაიქცნენ.
- 7 ივნისს, თბილისის სახელმწიფო უნივერსიტეტთან, ასევე თავს დაესხნენ სტუდენტური მოძრაობა თავისუფლებისთვის წევრს, ნიკო მანაგაძეს.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები