"გამოვლენილია სახელმწიფოს ძალიან ბევრი ჯაშუში, მაგრამ მთავარი ჯაშუშების დაკავება არ არის" — სუს-ის უფროსის მოადგილე
![](http://chandler.on.ge/2024/06/12/cms-image-000032401.jpg)
მოკლედ: ალექსი ბატიაშვილი, სახელმწიფო უსაფრთხოების სამსახურის უფროსის პირველი მოადგილე, აცხადებს, რომ გამოავლინეს სახელმწიფოს ძალიან ბევრი ჯაშუში, თუმცა, კონტრდაზვერვითი ღონისძიებების მთავარი მიზანი მათი დაკავება არ არის.
- "ჩვენი მთავარი ამოცანაა, უცხო ქვეყნის სპეციალური სამსახურების მიერ დაგეგმილი ჩვენი ქვეყნის ინტერესების საწინააღმდეგოდ განსაზღვრული ქმედებები ამოვიცნოთ, კავშირები დავადგინოთ და ეს გამოვიყენოთ ჩვენი ქვეყნის ინტერესების გათვალისწინებით", — განაცხადა ბატიაშვილმა დღეს, 12 ივნისს, მედიასთან კომენტარში.
დეტალები: ბატიაშვილის თქმით, აშშ-ის მიერ სანქცირებული, ყოფილი გენერალური პროკურორის, ოთარ ფარცხალაძის საქმეზე, ამ ეტაპზე, არანაირი მტკიცებულება არაა მოპოვებული:
- "რაიმე ახალი მტკიცებულება არც რომელიმე პარტნიორი სახელმწიფოს მხრიდან, არც გამოძიების მიერ ამ ეტაპზე ჯერჯერობით, მოპოვებული არ არის".
სტრიქონებს შორის: 2023 წლის 14 სექტემბერს, აშშ-მ საქართველოს ყოფილ მთავარ პროკურორს, რუს-ქართველ ოლიგარქად მოხსენიებულ ოთარ ფარცხალაძეს, რუსეთის უშიშროების ფედერალურ სამსახურთან თანამშრომლობის გამო, სანქციები დაუწესა, რის შემდეგაც სუს-მა ფარცხალაძის დასანქცირების საკითხის შესწავლა დაიწყო.
ბოლო ხაზი: დღეს, 12 ივნისს, სახელმწიფო უსაფრთხოების სამსახურის უფროსი, გრიგოლ ლილუაშვილი, 2023 წლის ანგარიშს წარადგენს.
-
გადახედვა
-
-
გადახედვა
-
გადახედვა
-
-
გადახედვა
-
-
გადახედვა
-
-
-
-
-
გადახედვა
-
გადახედვა
-
-
გადახედვა
-
-
-
-
-
გადახედვა
კომენტარები