მოკლედ: შინაგან საქმეთა სამინისტროს ინფორმაციით, განზრახ მკვლელობის მცდელობის და მუქარის ბრალდებით, დააკავეს ორი ძმა, რომლებიც გუშინ, 11 ივნისს, ბალდის კანიონის მცველებს კარავში თავს დაესხნენ.

  • დანაშაულები 15 წლამდე პატიმრობას ითვალისწინებს.

დეტალები: გამოძიებით დადგინდა, რომ ერთ-ერთმა ბრალდებულმა, ურთიერთშელაპარაკების ნიადაგზე, ცივი იარაღის გამოყენებით, თანასოფლელი დაჭრა, შემთხვევის დროს დაზიანება მიიღო კიდევ ერთმა პირმა.

  • ასევე, დადგინდა, რომ ბრალდებულები, ცივი იარაღისა და სანადირო თოფის დემონსტრირებით ადგილობრივებს სიცოცხლის მოსპობით დაემუქრნენ.

ბოლო ხაზი: ორივე ბრალდებული სამართალდამცველებმა ცხელ კვალზე დააკავეს. პოლიციამ დანაშაულის ჩადენის იარაღები ნივთმტკიცებად ამოიღო.