თავდაცვის სამინისტროს ცნობით, ჯარისთვის სახელმწიფო სამხედრო სამეცნიერო-ტექნიკურ ცენტრი დელტა ხუთ მილიონ ლარამდე ღირებულების ჯავშანჟილეტებსა და ჯავშანჩაფხუტებს დაამზადებს.

უწყება აცხადებს, პროდუქციის ტექნიკური მონაცემები საქართველოს შეიარაღებული ძალების მოთხოვნებზე იქნება მორგებული. აღნიშნულის შესახებ თავდაცვის მინისტრმა დღეს დელტაში სტუმრობისას განაცხადა.

ლევან იზორიამ აღნიშნა, რომ ქართული სამხედრო ინდუსტრიის განვითარების ხელშეწყობა თავდაცვის უწყების გაცხადებული პოლიტიკაა.

დელტაში თავდაცვის მინისტრის მოადგილე გიორგი ბუთხუზი, ასევე შეიარაღებული ძალების გენერალური შტაბის უფროსი, გენერალ-მაიორი ვლადიმერ ჩაჩიბაია, გენერალური შტაბის უფროსის მოადგილე, ბრიგადის გენერალი შალვა ჯაბახიძე და დელტას წარმომადგენლები იმყოფებოდნენ.