Amazon-ის დამფუძნებელმა ჯეფ ბეზოსმა ბილ გეითსი ჩამოიტოვა და მსოფლიოს უმდიდრესი ადამიანი გახდა.

Bloomberg-ის ცნობით, Amazon-ის აქციები, აშშ-ის დროით 10:10 წუთზე, 1,3 პროცენტით გაიზარდა და 1 065,92 დოლარი გახდა. შესაბამისად ბეზოსის ქონება 90,9 მილიარდ დოლარადაა შეფასებული. ბეზოსი ამაზონის აქციების მეხუთედს ფლობს.

იმ შემთხვევაში თუ აქციების ღირებულება ამერიკის დროით 4 საათამდე შენარჩუნდა, ბეზოსი მაიკროსოფტი კორპორაციის თანადამფუძნებელს, ბილ გეითსს ბლუმბერგის მილიარდერების ინდექსში ლიდერის პოზიციას ჩამოართმევს. ბილ გეითსი სიის სათავეში 2013 წლიდანაა. დღეს მისი ქონების ღირებულება 90,7 მილიარდ დოლარს შეადგენს.

ჯეფ ბეზოსის მოკლე ბიოგრაფია ასეთია:

  • 1994 წელს დატოვა უოლ სტრიტზე სამსახური და წამოიწყო Amazon;
  • 1999 ჟურნალმა Time დაასახელა წლის ადამიანად;
  • 2000 წელს დააფუძნა კოსმოსური ფირმა Blue Origin;
  • 2013 წელს იყიდა ამერიკული გაზეთი Washington Post;
  • 2015 წელს New York Times-მა გამოაქვეყნა კრიტიკული მასალა Amazon-ში სამუშაო პირობებზე, რომელსაც ჯეფ ბეზოსი არ აღიარებს;
  • 2016 წელს უთანხმოება მოუვიდა დონალდ ტრამპთან Washington Post-თან და გადასახადებთან დაკავშირებით;
  • 2017 წელს ამაზონ სტუდიოს გადაღებულმა ფილმმა Manchester By The Sea ორი ოსკარი მიიღო.