ნაციონალურ მოძრაობას ხმას არასოდეს მისცემდა ამომრჩეველთა 21 პროცენტი, მმართველ პარტიას, ქართულ ოცნებას კი - 14. ასეთია NDI-ს კვლევის შედეგები, რომელიც დღეს, 27 ივლისს გასაჯაროვდა.

რომელ პარტიას/ბლოკს არასდროს მისცემდით ხმას? - ამ კითხვაზე სხვა პასუხები ასე გადანაწილდა:

  1. ნაციონალური მოძრაობა - 21 პროცენტი;
  2. არ არსებობს ასეთი პარტია - 19 პროცენტი;
  3. ქართული ოცნება - 14 პროცენტი;
  4. უარი პასუხზე -7 პროცენტი;
  5. პატრიოტთა ალიანსი - 5 პროცენტი;
  6. გაერთიანებული დემოკრატიული მოძრაობა - 2 პროცენტი.

სხვა პარტიებს კი, ერთი ან უფრო ნაკლები პროცენტული მაჩვენებლები აქვთ.

კვლევა დიდი ბრიტანეთის მთავრობის, UK aid-ის ფინანსური ხელშეწყობით ჩატარდა, გამოკითხვას კი CRRC-საქართველო ატარებდა. კვლევის საველე სამუშაოები 18 ივნისი - 9 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით) შესრულდა. 2 261 პირი, პირისპირ ინტერვიუს სახით, წარმომადგენლობითი შერჩევით გამოიკითხა, ცდომილება კი 2,2 პროცენტია.