ეროვნულ დემოკრატიული ინსტიტუტის უახლესი კვლევის თანახმად, მოსახლეობის 37 პროცენტს არც ერთი პარტია არ მოსწონს. რომელი პარტია დგას თქვენ შეხედულებებთან ყველაზე ახლოს? - გამოკითხულთა შვიდმა პროცენტმა არ იცის, 6 პროცენტი კი უარს ამბობს პასუხზე.

მოსახლეობის 23 პროცენტი ასახელებს ქართულ ოცნებას, როგორც მის შეხედულებებთან ყველაზე ახლსო მყოფ პარტიას, 9 პროცენტი ერთიან ნაციონალურ მოძრაობას, 4-4 პროცენტი ევროპულ საქართველოსა და პატრიოტთა ალიანსს.

კვლევა დიდი ბრიტანეთის მთავრობის, UK aid-ის ფინანსური ხელშეწყობით ჩატარდა, გამოკითხვას კი CRRC-საქართველო ატარებდა. კვლევის საველე სამუშაოები 18 ივნისი-9 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით) შესრულდა. 2 261 პირი, პირისპირ ინტერვიუს სახით, წარმომადგენლობითი შერჩევით გამოიკითხა.