რა ხდება: კომპანია "ლიმონის" დამფუძნებელს, გიორგი ოკმელაშვილს მოსამართლე დავით მგელიაშვილმა, აღკვეთის ღონისძიების სახით, პატიმრობა შეუფარდა.

  • ინფორმაციას ინტერპრესნიუსი ავრცელებს.

დეტალები: მოსამართლემ თქვა, რომ საქმეში არსებობს ვიდეომასალა და ნარკოტიკზე ჩატარებული ექსპერტიზის დასკვნები.

  • მას რუსული კანონის წინააღმდეგ აქციაზე პოლიციელზე თავდასხმას ედავებიან, ასევე, მცირე ოდენობით ნარკოტიკული ნივთიერების შეძენა-შენახვასაც.
  • ადვოკატ ჯუმბერ ქათამაძის განცხადებით, ბრალდებული პოლიციელს თავს არ დასხმია და ეს იყო საკუთარი თავისა და სხვა პირების დაცვის მცდელობა.
  • მისივე თქმით, არსებობს შესაბამისი ვიდეომტკიცებულებებიც.

ოკმელაშვილს ბრალი სისხლის სამართლის კოდექსის 353-ე პრიმა მუხლის პირველი ნაწილით და 260-ე მუხლის პირველი ნაწილით წარედგინა, რაც სამსახურებრივი საქმიანობის შესრულების დროს პოლიციელზე თავდასხმასა და ნარკოტიკული საშუალებების უკანონო შეძენა-შენახვა-ტარებას გულისხმობს.