მოკლედ: ანი ამილახვარი, რომელსაც პროსამთავრობო და პროპაგანდისტულ მედია POST TV-ზე გადაცემა პოსტ ალიონი მიჰყავდა, წერს, რომ რუსული კანონის შესახებ კრიტიკული კომენტარის დაწერის და ძალადობის დაგმობის გამო, სამსახურიდან გაათავისუფლეს.

დეტალები: ამილახვრის თქმით, რუსულ კანონზე კრიტიკული კომენტარის დაფიქსირების შემდეგ, იცოდა, რომ სამსახურში აუცილებლად დაიბარებდნენ: "ისე მალე მომიხმეს გამეცინა. ძალიან ზრდილობიანად, მეგობრულად ამიხსნეს, რომ ამ ტელევიზიაში მათგან განსხვავებულ პოზიციაზე მყოფი ადამიანი ვერ იმუშავებდა. უბრალოდ ჰუმანური პოზიციაც კი მიუღებელია".

  • ამილახვარი წერს, რომ POST TV-მ იმავე მიზეზით, კიდევ რამდენიმე ადამიანთან შეწყვიტა თანამშრომლობა.
  • "გაოცებული ვარ ამ დემოკრატიულ, სინათლით სავსე ქვეყანაში რანაირად მოხდა ასე, მაგრამ რას ვიზამთ?!", — წერს ამილახვარი და აქვეყნებს ვიდეოს, სადაც რუსული კანონის საპროტესტო აქციაზეა.