ირაკლი მილაძე: კავკასიის საერთაშორისო უნივერსიტეტში, შეხვედრაზე, თვითმმართველობას მოყვანილი ჰყავდა შავებში ჩაცმული ტიპები, ერთ-ერთმა დამარტყა

15 May. 2024, 18:00

ძალიან მნიშვნელოვანი ინფორმაცია!!! დღეს, 12:00 საათზე გვქონდა შეხვედრა კავკასიის საერთაშორისო უნივერსიტეტის ადმინისტრაციის და თვითმმართველობის წარმომადგენლებს შორის.

საუბარი შედგა იმაზე, თუ რა პოზიცია უკავიათ რუსული კანონის შესახებ და დგებიან თუ არა გარკვეული რაოდენობის სტუდენტების მხარეს. პასუხი ცალსახად გასაგები იყო, რომ ისინი ჩვენთან ერთად უნივერსიტეტის თვითმმართველობის სახელით არ დადგებოდნენ.

თვითმმართველობას მოყვანილი ჰყავდათ შავებში ჩაცმული ტიპები, რომლებიც არც კი ვიცი ჩვენთან სწავლობენ თუ არა. შეხვედრის დასასრულს რამდენიმე კაცმა მთხოვა "გვერდზე" გავსულიყავი მათთან ერთად. იქ დამსწრე თვითმმართველობის ყველა წევრი ჩემს წინააღმდეგ გამოვიდა და როდესაც მათ ვუთხარი, რომ არ მეცალა მათთვის, ერთ-ერთმა უნივერსიტეტის შესასვლელთან დამარტყა.

ამ დროს წიწაკის სპრეი შევასხი და უკვე სხვებმაც სცადეს დარტყმა, რასაც კიდევ ერთხელ ვუპასუხე სპრეით. ამის შემდეგ გურამიშვილის მეტროს მისამართით გავიქეცი და გამომეკიდა 20-მდე კაცი. ერთ-ერთი სახლის კარები ღია იყო და იქ შევვარდი. სახლს გარშემო წრე შემოარტყეს და გარედან ყვიროდნენ და იგინებოდნენ.

ერთი სიტყვით, ეს თავდასხმა გადაღებულია უნივერსიტეტის კამერებით და ასევე, დაგეგმილია ჩემი უნივერსიტეტის ადმინისტრაციისგან და თვითმმართველობისგან.

დანარჩენზე ყველას გაეცემა პასუხი! მე გუშინვე ვთქვი, რომ ვინც ჩვენ დაგვიწყებს დევნას, პასუხი გაეცემოდა და ასეც იქნება!

ბოლო ამბები: