ოცნების პროპაგანდისტი ლალი მოროშკინა ქართული კულტურის დესპანის და საქართველო მწერალთა კავშირის წევრობის შემდეგ, რუსეთის ლიტერატორთა კავშირის წევრი გახდა. ამის შესახებ ის სოციალურ ქსელში წერს. მისი თქმით, ეს ყველაფერი "მისტიკაა".

"მადლობა ყველა გულშემატკივარს!

დღეიდან რუსეთის ლიტერატორთა კავშირის წევრი ვარ!
2016 წელს გამოცემული წიგნი "მე, პრეზიდენტი და მსოფლიო ჩემპიონი", ფრანკფურტის შემდგომ, მოსკოვშიც დაიბეჭდა.

გავკადნიერდები და ვიტყვი: მისტიკაა, მისტიკა!

აბა რას მივაწერო, ლიტერატურული ჟურნალის, "ლიტერატურნი პერეკრესტოკის" საახალწლო ნომერში ჩემს მოთხრობას ბროდსკისეული ფოტო რომ დაურთეს?

...მადლობა ყველა რუს მწერალს და საზოგადო მოღვაწეს, განსაკუთრებით ევგენი ობუხოვს (რუსეთის ოქროს კალამი) ლევ ნოვოჟჟონოვს და ჯანგული გვილავას გაწეული რეკომენდაციისთვის.

ხელნაწერები არ იწვის", — წერს ოცნების პროპაგანდისტი ლალი მოროშკინა სოციალურ ქსელში.