"შევხვდით დაკავებულ 16 პირს, სამი პოლიციის მხრიდან ძალის გადამეტებაზე მიუთითებს, მათ შორის ლაზარე გრიგორიადისიც" — სახალხო დამცველის აპარატი
![](http://phoebe.on.ge/2024/05/14/signal-2024-05-14-144057_002.jpeg)
ფოტო: On.ge
მოკლედ: სახალხო დამცველის აპარატის ინფორმაციით, მათი რწმუნებულები 14 მაისს, რუსული კანონის საპროტესტო აქციაზე, ადმინისტრაციული წესით დაკავებულ 16 პირს შეხვდნენ.
დეტალები: მათი განცხადების მიხედვით, დაკავებულთაგან სამი პოლიციის მხრიდან არასათანადო მოპყრობასა და ძალის გადამეტებაზე მიუთითებს, მათ შორის არის ლაზარე გრიგორიადისი, რომელსაც ვიზუალურად აღენიშნება ნაკაწრები, სიწითლე და შეშუპება.
- "აპარატმა დაუყოვნებლივ აცნობა სპეციალურ საგამოძიებო სამსახურს, ეფექტიანი გამოძიების ჩატარების მიზნით".
- სახალხო დამცველის აპარატი აგრძელებს სხვა დაკავებულების ადგილსამყოფლის დადგენას.
კონტექსტი: გუშინ, 14 მაისს, პარლამენტში, რუსული კანონის მესამე მოსმენით მიღების შემდეგ, სპეცრაზმმა პარლამენტის მიმდებარე ტერიტორია — მათ შორის, რუსთაველის გამზირის ნაწილი, აქციის მონაწილეებისგან ძალის გამოყენებით გაწმინდა. გამოიყენეს წიწაკის სპრეიც.
- შინაგან საქმეთა სამინისტროს ინფორმაციით, საპროტესტო აქციაზე 13 პირი დააკავეს.
- პარლამენტთან დაკავებულთა შორის არის ლაზარე გრიგორიადისი.
- გუშინ, 14 მაისს, ლაზარეს ადვოკატმა On.ge-ის უთხრა, რომ დაკავების დროს, პოლიციის მხრიდან ადგილი ჰქონდა ფიზიკურ ანგარიშსწორებას და ლაზარეს სახისა და თავის არეში აქვს დაზიანებები.
მსგავსი: დაკავებულ ლაზარე გრიგორიადისს დაზიანებები აქვს სახისა და თავის არეში — ადვოკატი
14 მაისის, საღამოს, როდესაც რუსული კანონის მოწინააღმდეგეების ნაწილმა გმირთა მოედანზე სავალი ნაწილის გადაკეტვა სცადა, სამართალდამცველებმა რამდენიმე ადამიანი ძალის გამოყენებით დააკავეს.
- ამ ეტაპზე, გმირთა მოედანზე დაკავებულთა ზუსტი რაოდენობის შესახებ, შსს-ს ინფორმაცია არ გაუვრცელებია.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები