ვუერთდებით სხვა უნივერსიტეტების სტუდენტების პროტესტს და ვაცხადებთ: შეუძლებლად მიგვაჩნია სასწავლო პროცესის გაგრძელება

13 May. 2024, 16:11

ჩვენ, აკაკი წერეთლის სახელმწიფო უნივერსიტეტის სტუდენტები, ვეხმიანებით ქვეყანაში მიმდინარე პროცესებს და გვსურს, მკაფიოდ დავაფიქსიროთ ჩვენი პოზიცია.

მიგვაჩნია, რომ ე.წ. გამჭვირვალობის შესახებ კანონის ხელახლა ინიციირებამ

საფრთხის ქვეშ დააყენა საქართველოს ევროატლანტიკური მომავალი, რომელიც მოსახლეობის აბსოლუტური უმრავლესობის ნება და არჩევანია.

საფრთხე შეექმნა ქვეყნის უსაფრთხოებას, დემოკრატიას და განვითარებას. ასევე, ხარისხიანი, ევროპული განათლების პერსპექტივას, რომელზეც დგას ქვეყნის მომავალი.

რუსული კანონის წინააღმდეგ ქვეყანაში მიმდინარე ფართომასშტაბიანი პროტესტის ფონზე ვხედავთ:

მშვიდობიანი აქციების დარბევას, ადამიანებზე, მათ შორის, ჩვენს თანატოლებზე, ძალადობის, ფიზიკური და სიტყვიერი შეურაცხყოფის ფაქტებს, რაც ჩვენთვის მიუღებელი და უკანონოა.

მიგვაჩნია, რომ ამ სიტუაციაში არაფერია უფრო მნიშვნელოვანი, ვიდრე საქართველოს ისტორიული არჩევანის და ევროპული ფასეულობების დაცვა.

შესაბამისად, ვუერთდებით სხვა უნივერსიტეტების სტუდენტების პროტესტს და ვაცხადებთ: შეუძლებლად მიგვაჩნია სასწავლო პროცესის ჩვეულ, სააუდიტორიო ფორმატში გაგრძელება და პროტესტის ნიშნად უარს ვამბობთ აკადემიურ პროცესში მონაწილეობაზე.

მოვუწოდებთ ყველა სტუდენტს და ლექტორს, იყვნენ სოლიდარულები და შემოგვიერთდნენ.

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

რეჯეფ თაიფ ერდოღანმა ნიკოლ ფაშინიანს არჩევნებში გამარჯვება მიულოცა