NDI-ის კვლევის თანახმად, გამოკითხულთა ნახევარზე მეტი (52%) "საშუალოდ", თითქმის მეოთხედი (23%) კი "ცუდად" აფასებს ამჟამინდელი მთავრობის საქმიანობას. ხოლო, 12 პროცენტი მთავრობის საქმიანობას "ძალიან ცუდად" აფასებს.

გამოკითხულთა მხოლოდ ერთი პროცენტი ფიქრობს, რომ მთავრობა "ძალიან კარგად" საქმიანობს.

კვლევა დიდი ბრიტანეთის მთავრობის, UK aid-ის ფინანსური ხელშეწყობით ჩატარდა, გამოკითხვას კი CRRC-საქართველო ატარებდა. კვლევის საველე სამუშაოები 18 ივნისი-9 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით) შესრულდა. 2 261 პირი პირისპირ ინტერვიუს სახით, წარმომადგენლობითი შერჩევით გამოიკითხა.