კონტექსტი: დღეს, 11 მაისს, ევროპის დღეს, რუსული კანონის წინააღმდეგ ხალხმრავალი საპროტესტო აქცია გაიმართება. მოქალაქეები თბილისის ოთხი სხვადასხვა ლოკაციიდან მოაწყობენ მსვლელობას და ევროპის მოედანზე გაერთიანდებიან.

  • რუსული კანონის წინააღმდეგ პროტესტი თითქმის 1 თვეა უწყვეტად გრძელდება, ხელისუფლება კი, პერიოდულად, ძალის გამოყენებით არბევს დემონსტრანტებს.

საქართველოს საპატრიარქო აცხადებს, რომ საპროტესტო აქციების გამო, პარლამენტთან მდებარე ქაშვეთის ეკლესიის კარი აქამდე ღია იყო ხოლმე, თუმცა, დღეს მიიღეს გადაწყვეტილება, დაკეტონ.

  • განცხადება: "როგორც მოგეხსენებათ, 2024 წლის 10 მაისს ქვაშვეთის წმინდა გიორგის სახელობის ტაძარში მოხდა სამწუხარო ინციდენტი. აქედან გამომდინარე, შემდგომი შესაძლო ექსცესების თავიდან ასაცილებლად მიღებულ იქნა გადაწყვეტილება, რათა ტაძარი დაიკეტოს ჩვეულ დროს. აქვე აღვნიშნავთ, რომ ამ დრომდე ტაძარი ამა თუ იმ საპროტესტო აქციების დასრულებამდე (ხშირად დილის სამ, ოთხ საათამდე) ღია იყო."

ბოლო ხაზი: დღევანდელ საპროტესტო აქციას წინ უძღვის მშობლების მარში (ექსპო ჯორჯიადან პარლამენტისკენ), ასევე, მსვლელობები მარჯანიშვილის მოედნიდან, რესპუბლიკის მოედნიდან და მეტრო 300 არაგველიდან.