რა ხდება: ცირკთან, გმირთა მოედანზე დაპირისპირება მოხდა.

  • ტვ პირველის ინფორმაციით, უცნობი პირები ტერიტორიაზე მანქანით მივიდნენ და აქციის მონაწილეებს ფიზიკურად გაუსწორდნენ.
  • დაშავდა რამდენიმე ადამიანი.

დეტალები: თვითმხილველები და დაზარალებულები ამბობენ, რომ თავდაპირველად თავდამსხმელები მანქანით დაეჯახნენ ველოსიპედზე მჯდომ ადამიანს, შემდეგ კი აქციის სხვა მონაწილეებსაც სცემეს.

  • ასევე, თვითმხილველები ჰყვებიან, რომ დამატებით კიდევ მოვიდა რამდენიმე მანქანა, ფიზიკური დაპირისპირება კი, დაახლოებით, 10 წუთის განმავლობაში გრძელდებოდა.
  • მათივე თქმით, თავდამსხმელები სპორტული აღნაგობის იყვნენ.
  • თვითმხილველებს გადაღებული აქვთ მათი მანქანის კადრები, სადაც ჩანს სერია და ნომრები და ამბობენ, რომ ამ პირების იდენტიფიცირება შესაძლებელია.