მოკლედ: პარტია ერთიანი ნაციონალური მოძრაობის განცხადებით, ენმ-ს თავმჯდომარე, ლევან ხაბეიშვილი გაიტაცეს.

  • "რამდენიმე წუთის წინ, ბიძინა ივანიშვილის პირადი დავალებით, საქართველოში რუსული რეჟიმის წარმომადგენლებმა გაიტაცეს ლევან ხაბეიშვილი".

ვრცელდება ფოტო, სადაც ჩანს, რომ ლევან ხაბეიშვილი სასტიკად ნაცემია.

შსს-ს დეპუტატის დაკავებასთან დაკავშირებით განცხადება ჯერ არ გაუვრცელებია

დეტალები: ენმ წერს, რომ დაკავების მომენტში, ხაბეიშვილი აქციაზე დაშავებულ მოქალაქეს ეხმარებოდა.

  • ერთიანი ნაციონალური მოძრაობა მიმართავს შინაგან საქმეთა სამინისტროს, უზრუნველყოს ლევან ხაბეიშვილის ფიზიკური უსაფრთხოება და დაუყოვნებლივ გაათავისუფლოს იგი.

კონტექსტი: 30 აპრილს, რუსული კანონის საპროტესტო აქცია მიმდინარეობს, სადაც სპეცრაზმი მშვიდობიანი აქციის მონაწილეებს, პარლამენტის მიმდებარე ტერიტორიაზე, ფიზიკურად უსწორდება.

პარლამენტის უკანა შესასვლელთან, შსს-მ მშვიდობიანი დემონსტრანტების წინააღმდეგ, რამდენჯერმე გამოიყენა სპეციალური საშუალებები, მათ შორის ცრემლსადენი გაზი და ე.წ. წიწაკის სპრეი.

  • არიან დაკავებულებიც.

ტელევიზიების მიერ გავრცელებულ კადრებში ჩანს, რომ მანიფესტანტების მისამართით დამიზნებით უშვებენ ცრემლსადენ გაზს.

  • ასევე, ტვ პირველის ინფორმაციით, პოლიციამ, სავარაუდოდ, ისროლა რეზინის ტყვიებიც.
  • მედიის ინფორმაციით, დაშავებულებს შორის არიან არასრულწლოვანებიც.
    დარბევა რუსთაველის მიმდებარედ ყოველგვარი გაფრთხილების გარეშე დაიწყო.