რა ხდება: იუსტიციის სახლთან ქუჩა გადაკეტილია.

  • რუსთაველზე აქციის დარბევის შემდეგ, აქციის მონაწილეების ნაწილმა სწორედ იქ გადაინაცვლა და გზის სავალი ნაწილი გადაკეტა.

დეტალები: მათი თქმით, სახლებში წასვლას არ აპირებენ.

  • მათივე ინფორმაციით, ქალაქის კიდევ რამდენიმე ქუჩაა პარალიზებული.
  • იუსტიციის სახლთან სამართალდამცველები არ გამოჩენილან.

კონტექსტი: სპეცრაზმი რუსთაველის გამზირზე მიმდინარე მშვიდობიანი აქციის მონაწილეებს ფიზიკურად გაუსწორდა.

შინაგან საქმეთა სამინისტრომ რამდენჯერმე გამოიყენა სპეციალური საპოლიციო ძალები მშვიდობიანი დემონსტრანტების წინააღმდეგ.

  • რამდენიმე წუთის წინ დემონსტრანტები დაშალეს წყლის ჭავლისა და ცრემლსადენი გაზის გამოყენებით.
  • სატელევიზიო კადრებში ჩანს, რომ სპეცრაზმი დამიზნებით ესვრის პროტესტის მონაწილეებს გაზის კაფსულებს.

სახალხო დამცველი განცხადებას ავრცელებს და აღნიშნავს, რომ დაუშვებელია სპეციალური საშუალებების, მათ შორის, ე.წ. წიწაკის სპრეის დამიზნებით სახეში გამოყენება.

  • მედიის ინფორმაციით, დაშავებულებს შორის არიან არასრულწლოვანებიც.
  • ადგილზე მობილიზებულია სასწრაფო სამედიცინო დახმარების ბრიგადები, ისინი მოქალაქეებს პირველად დახმარებას უწევენ.
  • დარბევა რუსთაველის მიმდებარედ ყოველგვარი გაფრთხილების გარეშე დაიწყო.