მოკლედ: რუსული კანონის საპროტესტო აქციის მონაწილეების დარბევის პარალელურად, შინაგან საქმეთა სამინისტრო აცხადებს, რომ აქციის მონაწილეები სამართალდამცველებს სიტყვიერად და ფიზიკურად დაუპირისპირდნენ, ასევე, მათი მიმართულებით ისროლეს სხვადასხვა საგანი.

დეტალები: შსს-ს წერს, რომ მართლწესრიგის აღდგენის მიზნით, მათ კანონით დადგენილი სპეციალური საშუალებები გამოიყენეს.

  • "მიუხედავად ადგილზე მყოფი პოლიციელების არაერთი მოწოდებისა, ასევე, შსს-ს მიერ გავრცელებული ოფიციალური განცხადებისა, რომ გაეთავისუფლებინათ დეპუტატებისა და პარლამენტის აპარატის თანამშრომლებისთვის საკანონმდებლო ორგანოს გამოსასვლელები, აქციის მონაწილეები არ დაემორჩილნენ სამართალდამცველთა კანონიერ მოთხოვნებს", — წერს შსს.

კონტექსტი: დღეს, 30 აპრილს, რუსული კანონის საპროტესტო აქცია მიმდინარეობს, სადაც პარლამენტის უკანა შესასვლელთან, შსს-მ მშვიდობიანი დემონსტრანტების წინააღმდეგ რამდენჯერმე გამოიყენა სპეციალური საშუალებები, მათ შორის ცრემლსადენი გაზი და ე.წ. წიწაკის სპრეი.

  • დემონსტრანტების თქმით, სპეციალური საშუალებების გამოყენებას წინ არ უსწრებდა გამაფრთხილებელი სიგნალი.
  • მოქალაქეებს სასწრაფო დახმარება ესაჭიროებათ, თუმცა ადგილზე არ არის მობილიზებული სასწრაფო-სამედიცინო ბრიგადები.
  • ადგილზე მობილიზებულია სპეციალური დანიშნულების რაზმი და ჭყლის ჭავლის მანქანები.