მოკლედ: რუსული კანონის წინააღმდეგ ახალგაზრდული მოძრაობების მიერ ორგანიზებული აქცია რუსთაველზე, პარლამენტის წინ, დღესაც 19 საათზე დაიწყება.

დეტალები: "ვიკრიბებით ყველანი პარლამენტთან 7 საათზე, მერე ისევ გვექნება ხმაურიანი, ენერგიული, მტკიცე და პატრიოტული მსვლელობა! ჩვენი ხმა უნდა გავაგონოთ ყველას და ყველგან!" — წერს ორგანიზაცია დაფიონი.

კონტექსტი: უკვე რამდენიმე დღეა, აქციები პერმანენტულად იმართება.

  • ახალგაზრდების მიერ ორგანიზებულ აქციები, ტრადიციულად, პარლამენტთან იწყება, შემდეგ კი მსვლელობით სხვადასხვა ადგილას მიდიან, საბოლოოდ კი ისევ პარლამენტის შენობასთან სრულდება.
  • მათი მოთხოვნაა, პარლამენტმა შეაჩეროს რუსული კანონპროექტის განხილვა.