მოკლედ: გირჩი — მეტი თავისუფლების ლიდერი ზურა ჯაფარიძე ვიდეომიმართვაში ამბობს, რომ მზად არის, საქართველოს პრემიერ-მინისტრს, ირაკლი კობახიძეს, ნებისმიერ ეთერში ესაუბროს რუსულ კანონზე და გამჭვირვალობაზე:

  • "კობახიძეს უთქვამს გერმანიაში, რომ გინდა უცხოელს, გინდა ქართველს, დაუჯდება და რუსულ კანონზე არგუმენტირებულად დაელაპარაკება. გერმანიაში რომ წავიდა [ირაკლი კობახიძე], იქ ეტყობა გული მიეცა. აგერ ვარ, უცხოელი არ ვარ, საქართველოს მოქალაქე ვარ, ნებისმიერ დროს, ნებისმიერ ეთერში — იმედი, POSTV, მაესტრო, საზოგადოებრივი მაუწყებელი, რა ვიცი, რა გაქვთ კიდე? დავსხდეთ და გინდა ამ კანონზე ვილაპარაკოთ, გინდა გამჭვირვალობაზე".

დეტალები: ჯაფარიძის თქმით, ირაკლი კობახიძეს, რომ მართლა უნდოდეს ვინმესთან რუსულ კანონზე საუბარი, ამის გაკეთების უფლებას "ზემოდან" არ მისცემდნენ:

  • "მართლა რომ გინდოდეს მაგის გაკეთება, მაგის უფლებას ხომ არ მოგცემდნენ ზემოდან? შენ ხარ ხარ კაცი, რომელმაც პრემიერად წარდგენის დროს, სცენაზე ასვლისთვის აიღე ნებართვა".

წინაისტორია: გუშინ, 12 აპრილს, ბერლინში ოფიციალურ ვიზიტად მყოფ ირაკლი კობახიძესთან, გერმანიის კანცლერმა ოლაფ შოლცმა, რუსული კანონი გააკრიტიკა.

  • როგორც მან საქართველოს პრემიერ-მინისტრს უთხრა, იმედი აქვს, რომ ხელისუფლება ამ კანონის მიღებაზე უარს იტყვის.

მიუხედავად შოლცის მიერ რუსული კანონის კრიტიკისა, საქართველოს პრემიერ-მინისტრმა კვლავ განაცხადა, რომ ეს კანონი ქვეყნისთვის ძალიან საჭიროა.

გაიგე მეტი: შოლცის კრიტიკის მიუხედავად, ირაკლი კობახიძემ, ერთობლივ პრესკონფერენციაზე, კვლავ რუსული კანონის საჭიროებაზე ისაუბრა

  • კობახიძის თქმით, ყველამ კეთილი უნდა ინებოს და რუსულ კანონთან დაკავშირებით, არგუმენტები წარმოადგინოს. მისივე თქმით, ის მზად არის ღია და საჯარო დისკუსიებისთვის:
  • "ნებისმიერი, ქართველი, უცხოელი, ვინც არ უნდა იყოს, დაგვიჯდეს ტელევიზიების, კამერების თვალწინ საჯარო დისკუსიაში და ყველა კარგად დაინახავს, რომ არგუმენტი არის ნული. კიდევ ერთხელ გავიმეორებ, იქ, სადაც ერთადერთ რამეს ითვალისწინებს კანონი — ეს არის ყოველწლიური ანგარიშების დეკლარირება, როგორ შეიძლება, ვინმეს ჰქონდეს რაიმე არგუმენტი".

რედაქციისგან: რატომ არის ქართული ოცნების კანონი რუსული — მოკლედ და მარტივად

რუსული კანონის ქრონოლოგია:

2024 წლის 3 აპრილი

  • ოცნებამ განაცხადა, რომ ისევ აპირებს იმავე რუსული კანონის კანონის მიღებას, რამაც მასშტაბური სახალხო წინააღმდეგობა გამოიწვია გასული წლის მარტში.

8 აპრილი

9 აპრილი

11 აპრილი

  • ცნობილი გახდა, რომ რუსული კანონი პლენარულ სხდომაზე მესამე მოსმენით, სავარაუდოდ, 17 მაისს გავა. საკომიტეტო მოსმენა ორშაბათს, 15 აპრილს არის დაგეგმილი, პლენარულ სხდომაზე პირველი მოსმენის სავარაუდო თარიღი კი 16 აპრილია.

15 აპრილს, საკომიტეტო მოსმენის პარალელურად, თბილისში საპროტესტო აქცია იგეგმება