მოკლედ: ტერორისტულმა დაჯგუფებამ, რომელიც ცნობილია როგორც ისლამური სახელმწიფო, ან ISIS, გამოაქვეყნა მოწოდება უეფას ჩემპიონთა ლიგის მთავარ თამაშებზე თავდასხმების შესახებ, მეოთხედფინალების წინ.

დეტალები: მისი დე ფაქტო მედიასაშუალების, ალ-აზაიმის ფონდის მეშვეობით გამოქვეყნებულ პოსტში, ჯგუფმა სამიზნედ დაასახელა ლონდონის სტადიონი ემირეიტსი, პარიზის პარკ დე პრენსი, ასევე — სანტიაგო ბერნაბეუ და მეტროპოლიტანო არენა მადრიდში.

პოსტი შეიცავს მოწოდებას — "მოკალი ყველა", შავებში ჩაცმულ მამაკაცს კი ცეცხლსასროლი იარაღი უჭირავს.

  • ბოლო თავდასხმა, რომელზეც პასუხისმგებლობა ISIS-ის ავღანურმა ფრთამ, ხორასანმა აიღო, მოსკოვში, საკონცერტო დარბაზ კროკუსში მოხდა. შედეგად 144 ადამიანი დაიღუპა. ეს არის ერთ-ერთი ყველაზე მძიმე ტერაქტი ISIS-ის ისტორიაში.
  • თუმცა, რუსეთის ხელისუფლება ცდილობს, ტერაქტში უკრაინა დაადანაშაულოს.