მოკლედ: საზოგადოებრივი მოძრაობა ხალხის ძალა, რომელიც ქართულ ოცნებას 2022 წელს გამოეყო, პოლიტიკურ პარტიად დარეგისტრირდა.

დეტალები: პარტიის დამფუძნებელი ყრილობა მათ დღეს, 18 მარტს გამართეს.

  • ყრილობამ, პარტიის თავმჯდომარედ, ერთხმად აირჩია სოზარ სუბარი.
  • ხალხის ძალის ერთ-ერთმა ლიდერმა, დიმიტრი ხუნდაძემ თქვა, რომ პარტიის მთავარი ღერძია "ვინახავთ წარსულს და ვეძიებთ ახალს".
  • მისივე განცხადებით, პარტია პროგრესული კონსერვატიზმის მიმდევარია.

ბოლო ხაზი: ხალხის ძალა ანტიდასავლური მოძრაობაა, რომელიც ოცნებისგან ფორმალურად გამიჯნული დეპუტატებისგან შედგება.

ისინი სისტემატურად ესხმიან თავს მედიას, არასამთავრობო ორგანიზაციებს, დასავლურ ინსტიტუტებს და პრორუსულ ნარატივებს ავრცელებენ.

ხალხის ძალა იყო რუსული კანონპროექტის ინიციატორი, რომელიც, საზოგადოების პროტესტის ფონზე, ოცნებამ მეორე მოსმენისას ჩააგდო.