მოკლედ: ვლადიმირ პუტინის ერთ-ერთმა მეტოქემ, ლეონიდ სლუცკიმ თქვა, რომ არჩევნების შედეგებით ბედნიერია.

  • მან, ცესკო-ს ინფორმაციით, ხმების 3.21% მიიღო.

დეტალები: "ბედნიერი ვარ არჩევნების შედეგებით. გულწრფელად რომ ვთქვა, ამას ველოდი და მგონია, რომ ეს გამარჯვებაა", — თქვა მან პრესკონფერენციაზე.

  • ლეონიდ სლუცკი ლიბერალ-დემოკრატიული პარტიის წევრია.
  • ის, ისევე როგორც პუტინის დანარჩენი 2 მეტოქე, კრემლის პოლიტიკის მომხრეა.
  • ოპოზიციურად განწყობილ კანდიდატს, ბორის ნადეჟდინს არჩევნებში მონაწილეობის უფლება არ მისცეს.

ბოლო ხაზი: სლუცკისთან ერთად, პუტინის მეტოქე, საპრეზიდენტო არჩევნებში იყვნენ პარტია ახალი ხალხის წევრი ვლადისლავ დავანკოვი და კომუნისტური პარტიის წარმომადგენელი ნიკოლაი ხარიტონოვი.

  • ცესკო-ს მიერ დათვლილი ხმების 99.7%-ის შედეგებით, პუტინს აქვს ხმების 87.31%,
    ხარიტონოვს 4.30%, ვლადისლავ დავანკოვს 3.83%, ლეონიდ სლუცკის — 3.21%.