რა ხდება: რუსეთის საარჩევნო კომისიამ უარი უთხრა საპრეზიდენტო არჩევნებში მონაწილეობაზე ბორის ნადეჟდინს, რომელიც უკრაინაში ომის წინააღმდეგია.

  • ამის შესახებ მან სოციალურ ქსელში დაწერა.

ვინ არის ბორის ნადეჟდინი: ვეტერანი პოლიტიკოსი, რომელსაც კრემლის შიდა წყაროები პუტინის ოპოზიციად აღიქვამენ. გარდიანი წერს, რომ რუსეთის ათასობით მოქალაქე, ხელმომწერთა რიგში, სიცივეში, საათობით იდგა.

  • ნადეჟდინმა თავის საარჩევნო მანიფესტში თქვა, რომ პუტინმა დაუშვა საბედისწერო შეცდომა, როდესაც დაიწყო "სპეციალური სამხედრო ოპერაცია" უკრაინაში. ამ ტერმინით მოიხსენიებს კრემლი ფართომასშტაბიან შეჭრას უკრაინაში.
  • "პუტინი სამყაროს წარსულიდან უყურებს და რუსეთს წარსულში ათრევს“,— თქვა მან.

დეტალები: ნადეჟდინი ცდილობდა გაესაჩივრებინა საარჩევნო კომისიის ბრალდებები, რომ განაცხადთან ერთად შეტანილი ხელმოწერების 15%-ზე მეტი ხარვეზიანი იყო.

  • პოლიტიკოსი ამბობს, რომ მისი საჩივარი უარყოფილია.
  • ბორის ნადეჟდინი დანებებას არ აპირებს და გადაწყვეტილებას უზენაეს სასამართლოში გაასაჩივრებს.
  • "რუსეთის მასშტაბით 200 ათასზე მეტი ხელმოწერა შევაგროვე, ჩვენ შეგროვება ვაწარმოეთ ღიად და პატიოსნად", — თქვა მან.

ბოლო ხაზი: რუსეთში საპრეზიდენტო არჩევნები 15-დან 17 მარტამდე პერიოდში გაიმართება. მასში მხოლოდ კრემლის მიერ დამტკიცებული კანდიდატები მონაწილეობენ.

  • საბოლოო გადაწყვეტილება, თუ ვინ მიიღებს არჩევნებში მონაწილეობას, შაბათს გახდება ცნობილი.

გაიგეთ მეტი: ცნობილი გახდა, როდის გაიმართება საპრეზიდენტო არჩევნები რუსეთში — რას აპირებს პუტინი