მოკლედ: სამოქალაქო ავიაციის სააგენტოს ინფორმაციით, საქართველოს საავიაციო ბაზარზე ოპერირებას ორი ახალი დაბალბიუჯეტური ავიაკომპანია —Transavia და AJET იწყებს.

დეტალები: ავიაციის სააგენტოს მიხედვით, ნიდერლანდების დაბალბიუჯეტური ავიაკომპანია Transavia რეგულარულ საჰაერო მიმოსვლას ამსტერდამიდან თბილისის მიმართულებით განახორციელებს,

  • ამსტერდამი — თბილისი — ამსტერდამის მიმართულებით ავიარეისები 2024 წლის 20 აპრილიდან ოქტომბრის ბოლომდე კვირაში ორჯერ, ოთხშაბათს და შაბათს შესრულდება.
  • თურქული დაბალბიუჯეტური ავიაკომპანია AJET რეგულარულ რეისებს სტამბული — თბილისი — სტამბულის საჰაერო ხაზზე შეასრულებს.
  • ფრენები 2024 წლის 31 მარტიდან ოქტომბრის ბოლომდე, ყოველდღიურად განხორციელდება.

ბოლო ხაზი: სამოქალაქო ავიაციის სააგენტოს მიხედვით, საქართველოს მიმართულებით რეგულარული საჰაერო მიმოსვლის განხორციელებისათვის აუცილებელი ნებართვები, ავიაკომპანია Transavia-ს და AJET-ს, 2024 წლის 12 მარტს მიანიჭეს.