ყოფილი პრემიერმინისტრი, ბიძინა ივანიშვილი რუსთავი 2-ის საქმესთან დაკავშირებით აცხადებს, რომ ნაციონალურ მოძრაობას სასამართლოს წინააღმდეგ ახალი კამპანია აქვს წამოწყებული:

"ნაციონალურმა მოძრაობამ, როგორც პარტიამ, მისმა ძველმა და ახალმა წევრებმა, კეთილი ინებონ და მიეჩვიონ, რომ პატივი უნდა სცენ კანონმდებლობას ქვეყანაში. ახლა ახალი აქცია აირჩიეს, რამეთუ მათ კანონით რაღაც არ მოსწონთ და სასამართლოს ტელევიზიით არჩევენ და მის განადგურებას ცდილობენ. ამასაც ვერ მოახერხებენ".

ივანიშვილმა ასევე გაიხსენა, რომ სწორედ რუსთავი 2-ის გენერალური დირექტორი, ნიკა გვარამია იყო მთავარი პროკურორის მოადგილე მაშინ, როდესაც ტელეკომპანია იმედი დაარბიეს:

"დღეს გახდა გვარამია ჭეშმარიტების ბოლო სიმბოლო და რუსთავი 2 თავისუფალი მედიის სიმბოლოდ გადააქციეთ".

ბიძინა ივანიშვილა აღნიშნული განცხადება გამოცდების ეროვნულ ცენტრში სტუმრობისას გააკეთა.