საიდან დაფინანსდა პატრიოტთა ალიანსის წევრების მოსკოვში ვიზიტის სამივლინებო ხარჯი - ესაა კითხვა, რომელიც ამავე პარტიის წევრს, ადა მარშანიას რეგიონულ მაუწყებელთა ასოციაციის ჟურნალისტმა დაუსვა. ჟურნალისტის თქმით, ესაა საკითხი, რომელიც აჩვენებს ვიზიტში იყო საპარლამენტო მონაწილეობა თუ არა.

“ჩვენ ფრაქციას გვაქვს ჩვენი საკუთარი ფული სამივლინებოდ [პარლამენტიდან] - ეს ერთი წყარო. მეორე წყარო, პარტიას აი, ამ, რასაც ჰქვია სერიოზული საქმისთვის, რა საკვირველია, ჩვენი პატარა საღსრებიც გაგვაჩნია“, - აღნიშნა ადა მარშანიამ.

ადა მარშანია თავის ორ კოლეგასთან, გიორგი ლომიასთან და ნატო ჩხეიძესთან ერთად რუსეთის ფედერაციის სათათბიროს დეპუტატებს 11 ივლისს შეხვდნენ. შეხვედრის შემდეგ მარშანიამ განაცხადა, რომ რუს დეპუტატებს რუსეთ-საქართველო-ნატოს ფორმატის შექმნა შესთავაზეს.