სომხეთმა განაცხადა, რომ აპირებს აზერბაიჯანს გადასცეს აზერბაიჯანელი ჯარისკაცი, რომელმაც საკუთარ ტერიტორიაზე, თებერვლის ბოლოს დააკავა. ამ ფაქტს სომხეთი "კეთილგანწყობის ჟესტს" უწოდებს.

რუსლან პანაჰოვი სიუნიქის რეგიონის სომხურ სოფელ თეგში დააკავეს.

აზერბაიჯანის თავდაცვის სამინისტრომ დაადასტურა, რომ პანაჰოვმა, 28 თებერვალს, ცუდი ამინდის გამო, შემთხვევით გადაკვეთა სომხეთის საზღვარი, რის შემდეგაც ის დააკავეს.

ორშაბათს, 4 მარტს, სომხეთის ეროვნულმა უსაფრთხოების სამსახურმა (NSS) თქვა, რომ აპირებდა რუსლან პანაჰოვის გადაცემას აზერბაიჯანისთვის, შეთანხმების ფარგლებში, რომელიც ითვალისწინებს იმ ჯარისკაცების სწრაფ გათავისუფლებას, რომლებმაც შემთხვევით გადაკვეთეს მეორე ქვეყნის საზღვრები.

უსაფრთხოების სამსახურის განცხადებით, პანაჰოვმა წინასწარგანზრახვის გარეშე გადავიდა სომხეთის ტერიტორიაზე, მას შემდეგ, რაც აზერბაიჯანელ ჯარისკაცებს შორის "ინციდენტი" მოხდა.

იმავე დღეს, სომხეთის საგამოძიებო კომიტეტმა განაცხადა, რომ პანაჰოვის წინააღმდეგ სისხლისსამართლებრივი დევნა შეწყვეტილი იყო. გამოძიება მკვლელობის, დივერსიის და იარაღის კონტრაბანდის ბრალდებით მიმდინარეობდა.

ხუთშაბათს, დეპუტატმა მმართველი პარტიიდან, ანდრანიკ ქოჩარიანმა თქვა, რომ შესაძლებელი იყო, პანაჰოვი პატიმრების გაცვლის ფარგლებში გათავისუფლებულიყო.

სომხეთმა და აზერბაიჯანმა ბოლოს ტყვეები ბოლოს 2023 წლის დეკემბერში გაცვალეს. მაშინ 32 სომეხი ჯარისკაცი გაათავისუფლეს, ორი აზერბაიჯანელი ჯარისკაცის სანაცვლოდ, რომლებიც სომხეთის საზღვრის გადაკვეთისთვის იყვნენ დაკავებული.

სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.