დაახლოებით 10 წლის შემდეგ, პირველად, რუსეთის დუმის დელეგაცია ქართველ პარლამენტარებთან მოსალაპარაკებლად თბილისში ჩამოვა. დუმის დეპუტატები საქართველოში პატრიოტთა ალიანსის წევრებმა მოიწვიეს. ინფორმაციას ამის შესახებ რუსული მედიასაშუალება იზვესტია ავრცელებს.

დუმის წარმომადგენელი დსთ-ს საკითხებში, ლეონიდ კალაშნიკოვი ამბობს, რომ აუცილებლად ჩამოვლენ თბილისში და პატრიოტთა ალიანსის დეპუტატებთან დიპლომატიურ და ეკონომიკურ ურთიერთობებზე, ასევე, ვიზების საკითხზე ისაუბრებენ.

პატრიოტების წევრი, გიორგი ლომია კი იზვესტიასთან ამბობს, რომ ყველაფერი დიალოგით ვერ გადაწყდება და არსებობს "ისეთი დამატებითი სირთულეები, როგორიცაა კანონი ოკუპაციის შესახებ".

პატრიოტთა ალიანსის წევრები ადა მარშანია, გიორგი ლომია და ნატო ჩხეიძე რუსეთის ფედერაციის სათათბიროს დეპუტატებს 11 ივლისს შეხვდნენ. შეხვედრის შემდეგ, ადა მარშანიამ განაცხადა, რომ რუს დეპუტატებს რუსეთ-საქართველო-ნატოს ფორმატის შექმნა შესთავაზეს, ისაუბრეს ვიზების გამარტივებისა და სხვა საკითხებზე.