რა ხდება: სანქტ-პეტერბურგში დააკავეს მღვდელი, რომელმაც თქვა, რომ გარდაცვლილი ოპოზიციონერის, ალექსეი ნავალნისთვის პანაშვიდს გადაიხდიდა.

  • ამის შესახებ მისმა ცოლმა ფეისბუქზე დაწერა.

დეტალები: გრიგორი მიხნოვ-ვაიტენკო საკუთარ სახლთან დააკავეს.

მოგვიანებით, პეტერბურგელმა ოპოზიციონერმა ბორის ვიშნევსკიმ ტელეგრამზე დაწერა, რომ მღვდელი ინსულტის გამო ჰოსპიტალიზებული იყო.

  • "პოლიციის 43-ე განყოფილებაში მისმა ადვოკატმა გამოიძახა სასწრაფო დახმარება. გრიგორი გადაიყვანეს საავადმყოფოში და მიიღეს გადაწყვეტილება მისი ჰოსპიტალიზაციის შესახებ", — თქვა ვიშნევსკიმ და თქვა, რომ მღვდელს თავად ესაუბრა.

რუსეთის მართლმადიდებლური ეკლესიის განცხადებაში ნათქვამია, რომ გრიგორი მიხნოვ-ვოიტენკო არ არის რუსეთის მართლმადიდებლური ეკლესიის მღვდელი“ და აღნიშნავენ, რომ საჯარო სივრცეში "მისი ნებისმიერი განცხადებისა და მოწოდების იგნორირება უნდა მოხდეს.

ბოლო ხაზი: ალექსეი ნავალნი, რომელსაც 19-წლიანი პატიმრობა ჰქონდა მისჯილი, 47 წლის ასაკში, გუშინ გარდაიცვალა.

  • ის 2021 წლის იანვარში დააკავეს, როდესაც რუსეთში გერმანიიდან დაბრუნდა. ის გერმანიაში მძიმე მოწამვლის გამო დიდი ხნის განმავლობაში მკურნალობდა.
  • რამდენიმე ქვეყნის ლაბორატორიამ დაადასტურა, რომ ოპოზიციონერი ნოვიჩოკის ჯგუფის საწამლავით იყო მოწამლული.