გავრცელებული ინფორმაციით, ყაბარდო-ბალყარეთში მოზარდს სცემეს და აიძულეს, საჯაროდ ბოდიში მოეხადა ბოდიში ვიდეოში გამოჩენისთვის, რომელშიც ის ყურანს აბუჩად იგდებდა.

ვიდეოში ჩანს, რომ მოზარდს ხელსახოცი უჭირავს და ამბობს: "აი, მე ყურანით ვიწმენდ უკანალს". ვიდეოს ორი სხვა ადამიანი იწერს და ისმის მათი სიცილიც.

კიდევ ერთ ვიდეოში კი, რომელიც, გავრცელებული ინფორმაციით, გადაიღეს ნართკალის სკოლაში, რამდენიმე მოზარდი ჩანს, სავარაუდოდ, იმ ბიჭის გარშემო შეკრებილი, რომელმაც ყურანს დასცინა. მოზარდები ბიჭს ფიზიკურ შეურაცხყოფას აყენებენ.

სკოლაში გადაღებული ვიდეოს შემდეგ ნაწილში, ბიჭი ბოდიშს იხდის ყურანის დაცინვის გამო.

"მინდა ბოდიში მოვუხადო ყველა მორწმუნეს, მუსლიმებს მთელ მსოფლიოში. მეორეც, და უპირველეს ყოვლისა, მინდა ბოდიში მოვუხადო ყოვლისშემძლე ალაჰს იმის გამო, რომ ჩავიდინე ასეთი ამაზრზენი ქმედება. მე ვიაზრებ ჩემს დანაშაულს", — თქვა ბიჭმა.

სამშაბათს, ყაბარდო-ბალყარეთის მუსლიმთა სულიერმა ადმინისტრაციამ დაგმო ვიდეო და განაცხადა, რომ მათი თავმჯდომარე, ჰაზრატალი ძაშეშევი, იმ დღესვე შეხვდა ბიჭს და მის მამას.

"მოზარდებმა, რომლებმაც ჩაიდინეს ეს ქმედება, მოინანიეს ყოვლისშემძლე ალაჰის წინაშე, პატიება სთხოვეს ყველა მორწმუნეს, თქვეს, რომ გულწრფელად ნანობდნენ, რაც გააკეთეს და პირობა დადეს, რომ არ ჩაიდენდნენ ასეთ ქმედებებს მომავალში“,— ნათქვამია ადმინისტრაციის განცხადებაში.

მოგვიანებით გავრცელდა კადრები შეხვედრიდან, რომლებშიც ჩანს, ძაშეშევი როგორ სჯის ბიჭს და მამას.

"ასეთი ქმედებები იწვევს საზოგადოების პროტესტს, რისი იმედიც აქვს სხვადასხვა ძალას, რომელიც ცდილობს რეგიონში სიტუაციის დესტაბილიზაციას“, — თქვა ძასშევმა და დასძინა, რომ ბიჭის საქციელს "სამართლებრივი შედეგები“ მოჰყვება.

რადიო თავისუფლების ცნობით, შეხვედრას ესწრებოდა თურქ-მესხთა თემის ხელმძღვანელი ილიაზ ფაშალიევი, რომელიც ვარაუდობს, რომ ბიჭი შეიძლება იყოს მისი თემის წევრი.

ბიჭის მამამ ბოდიში მოიხადა, რომ შვილს შესაბამისად "არ აქცევდა ყურადღებას".

სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.