უკრაინის პრეზიდენტმა, პეტრო პოროშენკომ დღეს, 18 ივლისს საქართველოში ოფიციალური ვიზიტისას თქვა, რომ ყოფილი პრეზიდენტის მიხეილ სააკაშვილის ექსტრადირება უკრაინას არ განუხილავს. მისი თქმით, საქართველოს მთავრობას, ამ საკითხზე მათთვის თხოვნით არ მიუმართავს:

"ჩვენ ვთანამშრომლობთ საქართველოსთან, მაგრამ სააკაშვილის ექსტრადირებაზე მოთხოვნა არ მიგვიღია, შესაბამისად ჩვენ არ განვიხილავთ ამ საკითხს. ეს საქართველოს მთავრობის საქმეა და მოთხოვნის მიღების შემდეგ ვნახოთ. ჩვენ არ გვაქვს არცერთი პოლიტიკური, ეკონომიკური, ჰუმანიტარული, სოციალური პრობლემა საქართველოს სახელმწიფოსთან ურთიერთობებში. ჩვენ სტრატეგიული პარტნიორები ვართ".