რა ხდება: ერთიანი ნაციონალური მოძრაობის (ენმ) რეგიონული მდივანი, გიორგი ბოტკოველი აცხადებს, რომ იქნება თუ არა კობახიძე პრემიერ-მინისტრი, "ოლიგარქიული რეჟიმი გაგრძელებს იმ ხაზს, სადაც მხოლოდ თვითონ მდიდრდებიან და არაფერს აკეთებენ ხალხისთვის".

ბოტკოველის მოსაზრებით, კობახიძის პრემიერ-მინისტრად დანიშვნით კორუფციული ბუდე არ ჩამოშლილა და ის აქტიურად აგრძელებს ქვეყნის დაზიანებას: "როგორი კორუფციული მმართველობაც იყო ბიძინა ივანიშვილის პარტიის მმართველობის პირობებში, ასევე გაგრძელდება ახლაც", — განაცხადა ენმ-ის რეგიონულმა მდივანმდა და აღნიშნა, რომ რეალურად, ხალხს სჭირდება მხარდაჭერა, რომ ჰქონდეთ ღირსეული შემოსავალი და "არ გადაიხვეწონ სხვა ქვეყნებში" ოჯახის სარჩენად.

კონტექსტი: დღეს, 12 თებერვალს, ირაკლი კობახიძემ განახლებული მთავრობის პირველ სხომაზე თქვა, რომ საქართველოს კორუფციასთან ბრძოლაში ძალიან კარგი შედეგი აქვს: "ჩვენ უნდა გვქონდეს იმის ამბიცია, რომ ამ თვალსაზრისით ვიყოთ მსოფლიოს მოწინავე ქვეყნებს შორის, რაც არის აბსოლუტურად რეალისტური ამოცანა", — თქვა მან განახლებული მთავრობის პირველ სხდომაზე.

ფართო სურათში: კობახიძისგან განსხვავებით, სამთავრობო გუნდში არსებული კორუფციის მაღალი რისკების შესახებ ღიად განაცხადა მმართველი პარტიის საპატიო თავმჯდომარემ, ბიძინა ივანიშვილმა: "ოპოზიციური კონტროლის არარსებობის პირობებში, კორუფციის რისკებიც მატულობს, რასაც საგანგებო დაზღვევა ესაჭიროება".

კორუფციის მაღალი რისკების შესახებ სისტემატურად საუბრობს ორგანიზაცია საერთაშორისო-გაჭვირვალობა საქართველო, რომელიც აცხადებს, რომ საქართველოს რეგიონებშიც სულ უფრო იმატებს კორუფციის სავარაუდო შემთხვევები და თანამდებობის პირებთან და ბიძინა ივანიშვილთან დაკავშირებული კომპანიები მსხვილ კონტრაქტებს იღებენ სახელმწიფო შესყიდვებიდან.

  • მათ მიერ გამოქვეყნებულ დოკუმენტში გვხვდება რამდენიმე კონკრეტული მაგალითი, როდესაც ბიძინა ივანიშვილთან დაკავშირებულმა პირებმა, ან მათმა კომპანიებმა, ასობით ათასი ლარი მიიღო ბიუჯეტიდან შესყიდვების სახით.

გაიგე მეტი: კორუფცია ივანიშვილის ჩრდილქვეშ? — მინიშნებები ახალი ანგარიშიდან