მოკლედ: გრიპის და მწვავე რესპირატორული ვირუსული ინფექციების შემთხვევების მზარდი რაოდენობის გამო, ოკუპირებული ცხინვალის რამდენიმე სკოლასა და საბავშვო ბაღში საკარანტინო ზომებია შემოღებული.

დეტალები: სააგენტო რესის ცნობით, ამის შესახებ ცხინვალის ე.წ. განათლების დეპარტამენტის უფროსმა ტატიანა ბიაზროვამ განაცხადა.

  • მისი თქმით, ინფექციების შემთხვევებმა ეპიდემიური ზღვრის გადალახვის გამო, მე-5 სკოლის მე-6 კლასსა და მე-16 საბავშვო ბაღის საშუალო ჯგუფში კარანტინი ამოქმედდება.
  • შეზღუდვები 17 თებერვლამდე იქნება ძალაში.
  • ამავე მიზეზებით შეჩერდა მე-16 სკოლამდელი აღზრდის დაწესებულების მეორე ბაგა-ბაღის და მე-5 საშუალო სკოლის მე-9 კლასის მუშაობა.
  • იქ კარანტინი 15 თებერვლამდეა შემოღებული.