მოკლედ: ცხინვალის საბავშვო ბაღები და სკოლები, ელექტროენერგიის პრობლემების გამო, დღეს, 6 თებერვალს არ მუშაობენ.

  • ამის შესახებ სააგენტო რესი წერს.

დეტალები: "ელექტროენერგიის პრობლემების გამო, საგანმანათლებლო დაწესებულებებში არ არის გათბობა, ასევე, არ არის ბავშვებისთვის საკვების მომზადების საშუალება, ამასთან დაკავშირებით, სამშაბათს მიღებულ იქნა გადაწყვეტილება, ცხინვალის სკოლამდელი და სასკოლო საგანმანათლებლო დაწესებულებების მუშაობის შეჩერების შესახებ ”, — თქვა ცხინვალის ე.წ. ადმინისტრაციის განათლების დეპარტამენტის უფროსმა ტატიანა ბიაზროვამ.

  • მისივე თქმით, ხვალიდან სკოლები და საბავშვო ბაღები ჩვეულ რეჟიმში განაგრძობენ მუშაობას.

რა არის ელექტროენერგიასთან დაკავშირებული პრობლემების მიზეზი: რეს-ის ინფორმაციით, უამინდობა.

  • ოკუპირებულ ცხინვალში ღამით ქარიშხალი იყო, შედეგად დაზიანდა ხეები და ელექტროგადამცემი ხაზები.
  • დაფიქსირდა 7 ავარია.
  • ამჟამად, ელექტროენერგია ცხინვალის რამდენიმე რაიონში უკვე აღდგა, ენერგეტიკოსები მუშაობენ ქალაქში ელექტროგადამცემი ხაზების აღდგენისთვის.