ქართული ოცნების დეპუტატი, საგარეო ურთიერთობათა საპარლამენტო კომიტეტის თავმჯდომარე სოფიო ქაცარავა გაეროში საქართველოს ახალგაზრდობის ყოფილი წარმომადგენლის, თათია დოლიძის მიმართ "აღმაშფოთებელ მოწოდებებს" ეხმაურება:

"შეძრწუნებული ვარ იმ მოწოდებებით, რასაც ვკითხულობ სოციალურ ქსელში და მაშფოთებს ჩვენს საზოგადოებაში ერთმანეთის მიმართ ასეთი მიუღებლობის და აგრესიის არსეობა", - წერს ქაცარავა ფეისბუკზე.

თათია დოლიძის მიმართ ქსენოფობიური ქართველთა მარშის ორგანიზატორები და მონაწილეები, გუშინ, 16 ივლისს, ფეისბუკზე სექსუალური ძალადობის შინაარსის კომენტარებს წერდნენ, რომლებიც მუქარად აღიქმებოდა. დღეს, აღნიშნული პოსტი აღარ იძებნება, თავად პოსტების ავტორთა ნაწილი კი ამბობს, რომ მათ ეს არ დაუწერიათ. "ქართველთა მარშის" მონაწილეები გამოირჩევიან ქსენოფობიური, რასისტული, თუ ჰომოფობიური განწყობებით, მათ მიერ 14 ივლისს გამართული აქცია სწორედ ამგვარი განწყობების დემონსტრირება იყო.

განახლება: შსს-მ თათია დოლიძის მიმართ გაუპატიურების მუქარაზე გამოძიება დაიწყო.