მოკლედ: დღეს, 29 იანვარს, 17:00 საათზე, საქართველოს პრემიერ-მინისტრი ირაკლი ღარიბაშვილი ბრიფინგს გამართავს. ამის შესახებ მთავრობის ადმინისტრაციამ გვაცნობა, თუმცა, დამატებითი დეტალების შესახებ მათ მიერ გავრცელებულ პრესრელიზში არაფერი წერია.

შესაძლოა, დღევანდელი ბრიფინგი უკავშირდებოდეს სამთავრობო ტელეარხის, იმედის მიერ გავრცელებულ ინფორმაციას, რომლის მიხედვითაც ირაკლი ღარიბაშვილი პრემიერ-მინისტრის პოსტს დატოვებს და მას ირაკლი კობახიძე შეცვლის, რომელიც ამ დროისათვის პარტია ქართული ოცნების თავმჯდომარეა.

  • სამთავრობო იმედის ცნობით, 24 იანვარს გაიმართა პარტია ქართული ოცნების პოლიტსაბჭოს სხდომა და გადაწყდა, რომ 1-ელ თებერვალს გაიმართება პარტიის ყრილობა, სადაც ამ ცვლილებას დაუჭერენ მხარს.

მსგავსი:პრემიერობიდან ირაკლი ღარიბაშვილს გადააყენებენ და მას ირაკლი კობახიძე შეცვლის — იუწყება სამთავრობო იმედი