მოკლედ: აღსრულების ეროვნული ბიურო დღეს ბალახაძეების ოჯახის გასახლებას გეგმავს.

  • აღსრულების პოლიციას ზანდუკელის ქუჩა #2-ში 11 საათზე ელოდებიან.

დეტალები: სახლის წინ, პროცესისთვის ხელის შესაშლელად და ბალახაძეების ოჯახის მხარდასაჭერად, მოქალაქეები იკრიბებიან.

  • ბინაში, რომელსაც ოჯახს კერძო იპოთეკარი ართმევს, 7 ადამიანი ცხოვრობს, მათ შორის — ორსული ქალი და შშმ პირი.
  • ელგუჯა ბალახაძე On.ge-სთან ამბობს, რომ ზანდუკელის ქუჩაზე მდებარე ბინა ოჯახისთვის ერთადერთი საცხოვრებელია და მათ წასასვლელი არსად აქვთ.
  • მისივე თქმით, თუ გადახდის თარიღი გადავადდება, მზად არის, ვალი დაფაროს.
ელგუჯა ბალახაძე

ელგუჯა ბალახაძე

ფოტო: მარიამ მერლანი / On.ge

პირველად, მათი გამოსახლება 8 ნოემბერს იგეგმებოდა, თუმცა გადაიდო.
საბოლოოდ, იძულებითი გამოსახლების პროცედურა დღეისთვის ჩაინიშნა.

ბოლო ხაზი: აღსრულების პოლიციამ 23 იანვარს კეკელიძის ქუჩა #1-დან ხატიაშვილების ოჯახი გამოასახლა.

  • 24 იანვარს ცოტნე დადიანის ქუჩიდან კაკიაშვილების ოჯახის გამოსახლება იყო დაგეგმილი, თუმცა — გადაიდო.