მოკლედ: თბილისის მერმა, კახა კალაძემ მერიის თანამშრომლების მიმართ ფიზიკური ძალადობის გახშირებულ ფაქტებზე ისაუბრა.

დეტალები: მისი თქმით, ასეთ დროს, მკაცრი სამართლებრივი რეაგირებაა აუცილებელი.

  • მან ვიცე-მერს, ირაკლი ხმალაძეს დაავალა, მსგავსი შემთხვევების დროს, შესაბამის უწყებებთან თანამშრომლობით, კანონის ფარგლებში, უმკაცრესი ზომები გაატარონ.
  • "იმისთვის, რომ ჩვენი ქალაქი იყოს მუდმივად მოწესრიგებული, მგზავრობა იყოს უსაფრთხო, არ ხდებოდეს უკანონო მშენებლობები, არ მიმდინარეობდეს ქაოსური გარე ვაჭრობა, ქალაქის დაბინძურება და ა.შ., ჩვენი თანამშრომლები მუშაობენ 24-საათიან რეჟიმში", — თქვა კალაძემ.
  • მისი თქმით, წესრიგის დაცვა და ერთმანეთის პატივისცემა აუცილებელია და არ აქვს მნიშვნელობა, ვის რა პოლიტიკური შეხედულებები აქვს.