მოკლედ: გორში, წმინდა წყლის დასახლებაში, მსუბუქი ავტომობილი ქალს დაეჯახა. ის საავადმყოფოში გადაყვანის შემდეგ გარდაიცვალა.

დეტალები: On.ge-ს შინაგან საქმეთა სამინისტროში უთხრეს, რომ გარდაცვლილი 70 წლამდე ასაკის იყო.

  • ავტოავარიის შედეგად, მან ტრავმა თავის არეში მიიღო.
  • შსს-ს მიხედვით, გამოძიება სისხლის სამართლის კოდექსის 276-ე მუხლის მე-6 ნაწილით დაიწყო.
  • მუხლი გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია.
  • მძღოლი, რომელიც ქვეითს დაეჯახა, დაკავებულია.